Një tërmet me magnitudë 6.3 ballë ka goditur rajonin Atacama në Kili, duke shkaktuar shqetësim te banorët e zonës.
Sipas të dhënave paraprake, lëkundja sizmike u regjistrua më 13 mars 2026, në orën 13:39:21 UTC (10:39 sipas orës lokale). Epiqendra e tërmetit ishte në koordinatat -28.726 gjerësi jugore dhe -71.343 gjatësi perëndimore, me një thellësi rreth 22 kilometra.
Tërmeti u lokalizua rreth 131 kilometra në veri-veriperëndim të qytetit La Serena, i cili ka rreth 154 mijë banorë, dhe rreth 59 kilometra në jugperëndim të Vallenar, me rreth 44 mijë banorë.
Deri tani nuk ka raportime për viktima apo dëme të mëdha materiale, ndërsa autoritetet lokale po monitorojnë situatën dhe po verifikojnë nëse ka pasoja në zonat përreth epiqendrës.
Kili është një nga vendet më sizmike në botë, pasi ndodhet në Unazën e Zjarrit të Paqësorit, një zonë me aktivitet të lartë tektonik ku ndodhin shpesh tërmete të forta.