Një aksident i rëndë me pasojë vdekjen ka ndodhur pak më parë në Tirana, në zonën e njohur si ish-Ekspozita.
Sipas informacioneve paraprake, një autobot uji ka përplasur një grua, e cila po lëvizte me automjet në momentin e aksidentit. Si pasojë e plagëve të marra nga përplasja, ajo ka ndërruar jetë në vendin e ngjarjes.
Pamjet e rënda nga vendi i aksidentit tregojnë edhe momentin prekës kur bashkëshorti i viktimës mbërrin në vendngjarje dhe shpërthen në lot pranë trupit të saj.
Në zonë kanë mbërritur menjëherë shërbimet e policisë dhe grupi hetimor, të cilët po kryejnë veprimet procedurale për të zbardhur rrethanat e plota të aksidentit dhe për të përcaktuar përgjegjësitë.
