Një influencere franceze, Melisa Mireille Jeanine, 23 vjeçe, e njohur në rrjet si CallMeSlo, është arrestuar në Bali së bashku me dy shtetas evropianë, nën dyshimet për xhirimin dhe shpërndarjen e përmbajtjes pornografike në ishull, ku materialet e tilla janë të ndaluara.
Sipas autoriteteve balineze, të arrestuarit janë një francez 26-vjeçar me inicialet ERB, i cili dyshohet se ka vepruar si menaxher dhe producent dhe një italian 24-vjeçar i njohur si Nadir ben Said (NBS), i cili shfaqej në video i veshur si shofer skuteri për kompaninë Gojek.
Policia tha se xhirimet u realizuan në fshatin Canggu, një zonë turistike e njohur në Bali, më 8 mars, dhe se motivimi i tyre ishte përfitimi nga shpërndarja e përmbajtjes për të rritur. Videoja filloi të qarkullojë online, duke bërë që autoritetet të ndërhynin.
Jeanine dhe italiani u ndaluan në aeroportin e Denpasar-it, ndërsa francezi ERB u arrestua më pas në zonën e Canggu-s. Të tre po mbahen aktualisht në Stacionin e Policisë Badung, dhe rasti po hetohet sipas ligjeve indoneziane për shpërndarjen e materialeve të ndaluara dhe informacioneve elektronike.
Në Indonezi, prodhimi dhe shpërndarja e përmbajtjes pornografike mund të sjellë dënime me burg deri në disa vite./DailyMail