Shqipëria dënoi sulmin me raketë balistike të Iranit ndaj Turqisë, duke e konsideruar atë një akt agresiv dhe destabilizues.
Ky është sulmi i dytë i tillë në pak ditë, dhe shqetësimi është i madh për ndikimin që mund të ketë në sigurinë rajonale.
Qeveria shqiptare thekson rëndësinë e marrëdhënieve me Turqinë, partner strategjik dhe aleat i rëndësishëm në NATO.
Veprimet e përsëritura të Iranit rrezikojnë përshkallëzim dhe paraqesin një kërcënim serioz për rajonin dhe komunitetin ndërkombëtar.
Shqipëria është krah për krah me Turqinë dhe me të gjithë aleatët e NATO-s në mbrojtje të sigurisë dhe unitetit të Aleancës. Reagimi i shpejtë i NATO-s tregon gatishmërinë dhe kapacitetin për të mbrojtur aleatët e saj.
Reagimi i Ministrisë së Jashtme:
Shqipëria e dënon me vendosmërinë më të madhe sulmin me raketë balistike të regjimit iranian kundër Turqisë.
Fakti që ky është sulmi i dytë i tillë brenda pak ditësh është thellësisht shqetësues dhe thekson edhe një herë natyrën agresive dhe destabilizuese të këtyre veprimeve.
Turqia është një mik i ngushtë dhe partner strategjik i Shqipërisë, si dhe një Aleat i çmuar në #NATO.
Sulmet e vazhdueshme të regjimit iranian ndaj fqinjëve të tij dhe përpjekjet e përsëritura për të përhapur tension dhe paqëndrueshmëri në rajon, përbëjnë një zhvillim tejet të rrezikshëm.
Veprime të tilla rrezikojnë përshkallëzim të mëtejshëm dhe paraqesin një kërcënim serioz për sigurinë rajonale dhe ndërkombëtare.
Reagimi i shpejtë i NATO-s dëshmon edhe një herë kapacitetet e saj të forta, gatishmërinë dhe vendosmërinë e palëkundur për të mbrojtur Aleatët.
Shqipëria qëndron e palëkundur krah për krah me Turqinë dhe me të gjithë Aleatët në mbrojtje të sigurisë, unitetit dhe mbrojtjes kolektive të Aleancës sonë.