Fundjava do të karakterizohet nga mot kryesisht i qëndrueshëm dhe temperatura të larta, teksa të dielen pasdite deri te martën pritet te rikthehen reshjet e shiut.
Sinoptikania Elida Maloçali tregoi sesi do të jetë moti në ditët në vijim të muajit mars.
“Parashikohet kushte të qëndrueshme.
Mot i kthjellët, temperaturat deri në 24 gradë Celsius.
Prej orëve të mesditës së diel dhe ditën e hënë parashikohet rikthimi i reshjeve të shiut, por nuk do të mungojnë as shtrëngatat afatshkurtra kryesisht përgjatë vijës bregdetare.
Kjo për ditën e martë moti parashikohet në kushte të qëndrueshme atmosferike.
Temperaturat nuk do të pësojë ndryshime të ndjeshme, parashikohet deri në 22 gradë Celsius”, tha Elida Maloçali.