Edhe pse është fituesi i parë i formatit Big Brother Albania Vip, Ilir Shaqiri ka bërë një deklaratë në rrjetet sociale që interpretohet si një lloj ‘mllefi’ ndaj produksionit të Big-ut në përgjithësi dhe opinionistëve në veçanti.
Me nota të forta ironie dhe zhgënjimi, ai ka bërë një deklaratë thumbuese që prek drejtpërdrejt çdo hallkë të programit: nga drejtuesit te opinionistët dhe publiku.
“Në këtë pikë uroj ta fitojë Bigun dikush që i mëson opinionistëve si të flasin, produksionit rregulloren dhe shqiptarëve si të sillen”, ka shkruar balerini.
Të jetë ndonjë hatërmbetje e vjetër, vallë? Edhe mundet, por më shumë mundësi ka që ish-balerini të jetë zhgënjyer që nuk i besuan vendin e opinionistit. Kjo madje, mund të jetë edhe arsyeja pse po ‘katapultohet’ tek Vizion Plus-i për të qenë pjesë e Ferma Vip. /Pamfleti
