Janë bërë publike gjetjet e analizave toksikologjike në gjakun e 19-vjeçares Myrto , e cila u braktis e pafuqishme në një shesh në Argostoli pasi kishte përdorur drogë në një dhomë hoteli, duke rezultuar në vdekjen e saj tragjike.
Sipas mediave greke, kokainë, kanabis dhe alkool u zbuluan në gjakun e të resë.
Siç raportohet nga mjeket qe kane kryer ekzaminimet, substancat specifike duket se janë konsumuar në të njëjtën ditë , një element që po shqyrtohet në kontekstin e hetimit të përgjithshëm të ngjarjeve.
Njëkohësisht, autoritetet kompetente janë në pritje të rezultateve të ekzaminimeve histologjike, të cilat vlerësohen se do të kontribuojnë në një sqarim më të plotë të shkaqeve dhe rrethanave të çështjes.
Kujtohet se të tre të akuzuarit për vdekjen e 19-vjeçarit në Kefalonia u lanë në paraburgim me vendim të një hetuesi dhe prokurori.
Ndaj tyre u ngrit një procedim penal, i cili u përshkallëzua në vrasje me mosveprim, duke iu referuar neneve 299 dhe 15 të Kodit Penal.