Një tërmet me magnitudë 5.8 të shkallës Rihter ka goditur rajonin e Kuba në orët e para të mëngjesit të kësaj të marte.
Sipas të dhënave sizmologjike, lëkundja është regjistruar më 17 mars 2026 në orën 04:28 UTC, me epiqendër rreth 93 kilometra në lindje të qytetit Guantánamo dhe 55 kilometra në jug-juglindje të Baracoa.
Tërmeti ka ndodhur në një thellësi relativisht të vogël prej 5 kilometrash, çka ka bërë që lëkundjet të ndihen më fort në zonat përreth.
Deri në këto momente nuk ka raportime për viktima apo dëme të mëdha materiale, ndërsa autoritetet lokale po monitorojnë situatën dhe po mbledhin informacione nga zonat pranë epiqendrës.
Zona e Karaibeve është e njohur për aktivitet sizmik për shkak të përplasjes së pllakave tektonike në rajon, çka bën që tërmete të tilla të regjistrohen herë pas here.