Rrjetet sociale janë “ndezur” së fundmi pas publikimit të disa komenteve në mbështetje të Selinës, të cilat kanë ngritur dyshime te ndjekësit.
Në një foto që po qarkullon online, shihen dhjetëra komente pothuajse identike me tekstin: “Selin fituese e padiskutueshme”, të postuara nga profile të ndryshme, duke krijuar përshtypjen e një mbështetjeje masive.
Por ajo që ka tërhequr më shumë vëmendje është pretendimi se këto komente mund të jenë të blera dhe të vijnë nga jashtë, konkretisht nga India, për të rritur artificialisht popullaritetin e saj në rrjete sociale.
Këto dyshime janë përforcuar edhe nga fakti që shumë prej profileve duken joaktive ose me përmbajtje të dyshimtë, çka ka bërë që ndjekësit të reagojnë ashpër.
Megjithatë, deri më tani nuk ka asnjë konfirmim zyrtar lidhur me këto pretendime, dhe mbetet për t’u parë nëse bëhet fjalë për një strategji reale apo thjesht spekulime të rrjetit.