Një police në Mbretërinë e Bashkuar është pushuar nga detyra pas një rasti që autoritetet e kanë cilësuar si shkelje të rëndë disiplinore.
Bëhet fjalë për 31-vjeçaren Alisha Staves, e cila sipas hetimeve ka realizuar fotografi intime gjatë kohës së shërbimit, brenda ambienteve të një komisariati policie. Rasti përfshinte edhe përdorimin e uniformës dhe pajisjeve zyrtare në momente të papërshtatshme, duke shkelur rregullat e etikës profesionale.
Sipas raportimeve, ajo i kishte dërguar fotot partnerit të saj përmes telefonit personal. Pamjet janë zbuluar më vonë gjatë një kontrolli të pajisjeve elektronike në kuadër të një hetimi tjetër, të palidhur me këtë çështje.
Autoritetet e konsideruan sjelljen e saj si të papajtueshme me detyrën e një punonjëse policie, duke sjellë edhe largimin e menjëhershëm nga shërbimi.
Rasti ka ngjallur reagime të shumta në opinionin publik në Britani, për shkak të natyrës së veprimit dhe shkeljes së rregullave brenda një institucioni të sigurisë.